မှန်ကိုဝင်တိုက်သူ

စာရေးသူတွင် မိတ်ဆွေတစ်ဦးရှိသည်။
ထိုသူမှာ မွေးရာပါရောဂါတစ်ခုကြောင့် နားလုံးဝလေးနေပြီး
မျက်စိမှာလည်း မြင်ရရုံသာရှိတော့သည်။
သူ၏အလုပ်မှာ ဓမ္မဆရာဖြစ်သည့်အလျှောက်
အမြင်အကြား ထိုမျှချွတ်ယွင်းနေသည့်တိုင်
တရားဟောသောအလုပ် ဂီလာနများထံသွားရောက်အားပေးသောအလုပ်များကို
အခြေမပျက် ဆက်လက်လုပ်ကိုင်လျှက်ရှိသည်။
နားကြားကိရိယာကိုအသုံးပြုပြီး သူတစ်ပါးစကား နားထောင်သည်။
ရယ်စရာပါလျှင် တဟားဟားနှင့် ရယ်တတ်သည်။
သူသည် သူတစ်ပါးတို့ထံ မိမိကိုယ်ကို ဖြန့်ချီပေးဝေနေသကဲ့သို့
တချိန်ထည်းမှာပင် ထိုပေးဝေသည့်အလုပ်အပေါ်မှ ချမ်းသာသုခ ပြည့်ပြည့်၀၀
ခံစားရလျှက်ရှိပေသည်။

တစ်ခုသော ခရစ်စမတ်တွင် ကျွန်တော်သည် သူနှင့်အတူ
အလွန်လူစည်ကားနေသော ကုန်စုံဆိုင်တစ်ခုသို့ ရောက်ရှိခဲ့သည်။
ဆိုင်အ၀င်အထွက်တံခါးတွင် အတွင်းဘက်မှ ကြည့်မှန်ကြီးတစ်ချပ်
တပ်ထားရာ ဆိုင်မှပြန်ထွက်သည့်အခါ မိတ်ဆွေသည်
မှန်ထဲတွင်ဘွားခနဲ ပေါ်လာသော သူ့အရိပ်နှင့် ပက်ပင်းတိုးမိလေသည်။
သို့သော်သူက သူ့ပုံရိပ်မှန်းမသိ လူတစ်ယောက်ဆိုင်အတွင်းဝင်လာတာပဲဟု
ထင်မှတ်ပြီး တစ်ဖက်သို့ ဖြတ်ခနဲ ရှောင်ပေးလိုက်သည်။
ပုံရိပ်ကလည်း သူ့ဘက်သို့ လိုက်ရှောင်သည်။
သူရှေ့ဘက်ထွက်ပြန်၏။သူ့ပုံရိပ်နှင့် တည့်တည့်တိုးပြန်၏။
နောက်သို့တစ်ဖန် သူဆုတ်၏။

ထိုအချိန်တွင် သူ့အားအံ့အားသင့်စွာ ငေးကြည့်နေသူတွေ
ရှိနေကြပေပြီ။ သို့သော် မည်သူမျှဘာလုပ်ရမှန်း ဘာပြောရမှန်း
မသိကြပေ။

တတိယအကြိမ်မြောက် ရှေ့တိုးမိသည့်အခါမူ ကြည့်မှန်တစ်ချပ်ရှေ့သို့
ရောက်နေကြောင်းသူသတိပြုမိသွားသည်။
`ဟား...လက်စသတ်တော့ ကျုပ်ကိုယ်တိုင်ပဲကိုး´ဟု
ဆဆိုလိုက်ပြီး သူ့ကိုယ်သူ ဦးညွတ်အရိုအသေပြုသည်။
`တွေ့ရတာ ၀မ်းသာပါတယ် သူငယ်ချင်း၊ ခရစ်စမတ်မှာ ပျော်ရွှင်ပါစေကွာ´ ဟု
သူနှုတ်ခွန်းဆက်လိုက်သည့်အခါ ဆိုင်ထဲက လူအားလုံး
ဝမ်းမြောက်အားရစွာ ရယ်မောမိကြလေသည်။
ရယ်သံများကြားမှာ တီးတိုးမှတ်ချက်ချသံ တစ်ခု ကျွန်တော်ကြားလိုက်ရသည်။
`တစ်ကယ်တော်တဲ့ လူဗျာ´တဲ့။

ဘာကိုတော်သည်ဟု ထိုသူပြောပါသလဲ။
အရှိကို အရှိအတိုင် ပဂတိ မတွန့်ဆုတ်ပဲ
လက်ခံနိုင်သော စွမ်းရည်ကိုမြင်သောကြောင့်
တော်သည်ဟု ချီးမွန်းခဲ့ခြင်းသာဖြစ်ပေသည်။
အားနည်းချက်ကို အရိုးခံအတိုင်း လက်ခံနိုင်သောစိတ်သည်သာလျှင်
ထိုအားနည်းချက်၏ ရိုက်ပုတ်မှု ဖိစီးနှိပ်စက်မှုကို တွန်းလှန်နိုင်ပေသည်။

ထိုကဲ့သို့ဖြစ်အောင် မည်သို့ လုပ်ဆောင်ရမည်နည်း။
နည်းလမ်းကတော့ တွေ့ကြုံလာသော
အခက်အခဲ ပြဿနာများကို ရဲရဲရင်ဆိုင်ပြီး
တွန့်ဆုတ်ခြင်းကင်းစွာ သုံးသပ်နိုင်ဖို့ဖြစ်ပေသည်။
ထိုမျှမက မည်သို့ပင်ဖြစ်စေဟူသော စကားအတိုင်း
ဆက်လက် တိုက်ပွဲဝင်ပြီး နောက်တစ်ဆင့် တက်လှမ်းနိုင်ဖို့ပင်ဖြစ်ပေသည်။

ဖေမြင့်၏ မည်သို့ပင်ဖြစ်စေ စာအုပ်မှ....