အမေ

ဘာလိုလိုနဲ့ အမေကျွန်တော့ကိုခွဲသွားတာ
ငါးနှစ်ကျော် ခြောက်နှစ်ဖြစ်နေပြီနော်
အမေ့ကိုကျွန်တော်မမေ့သေးပါဘူးအမေရယ်
ကျွန်တော်အခုလို လူတစ်လုံးသူတစ်လုံးဖြစ်အောင်
ကြိုးစားပေးခဲ့တဲ့အမေ့ကို ကျွန်တော် သတိရနေပါတယ်ဗျာ
ကျွန်တော်အမေဆုံးတော့ ၀မ်းမနဲခဲ့ပါဘူး
ကျွန်တော့ကို အသဲမာတဲ့သူလို့ပြောကြတယ်
တကယ်က ကျွန်တော်အသဲမမာခဲ့ပါဘူး
ကြိတ်ငိုခဲ့ရတာများလို့ ကျွန်တော် မျက်ရည်ခမ်းသွားတာလဲပါမှာပေါ့လေ
ကျွန်တော်မငိုခဲ့ပါဘူး
ဘာလို့လဲဆိုတော့
ကျွန်တော် အမေ့ကို အကောင်းဆုံးလုပ်ကျွေးလိုက်နိုင်ခဲ့တယ်လေ
အမေနဲ့ပတ်သက်ပြီး ကျွန်တော်ဝမ်းနဲတာက
ကျွန်တော်ဘွဲ့ယူတဲ့အချိန်မှာ အမေမရှိနိုင်တာပဲ
အမေအရမ်းမြင်ချင်ခဲ့တဲ့ ဘွဲ့ကို ကျွန်တော်ရအောင်ယူနိုင်ခဲ့တယ်
ဒါပေမဲ့ အမေနဲ့အတူ မှတ်တမ်းဓါတ်ပုံလေးတောင်
မယူခဲ့နိုင်ဘူး ဒါတော့ဝမ်းနဲတယ်ဗျာ
အခုအချိန် အမေရှိနေရင် အရမ်းကောင်းမှာပဲလို့
ကျွန်တော်တွေးမိတယ်
အမေ့ကို ကျွန်တော် အရင်ကထက်ပိုပြီးလုပ်ကျွေးနိုင်မှာပေါ့
ကျွန်တော်လဲ အရင်ကလို ချွေတာတတ်တဲ့သူအဖြစ်ပဲ
ဆက်ရှိနေမှာပေါ့လေ
ဒါပေမဲ့ ဖြစ်ပြီးတာတွေလဲဖြစ်ပြီးသွားပြီပဲ
အခုဆိုရင် လူ၉ယောက်ရှိတဲ့အိမ်မှာ
လူလေးယောက်ပဲကျန်တော့တယ်
ကျွန်တော် အိမ်ထောင်ဦးစီးတစ်ယောက်လို
အဓိကငွေရှာတဲ့သူဖြစ်နေပြီ
တစ်ခါတစ်လေတွေးမိတယ်ဗျာ
ကျွန်တော် ကိုယ့်အတွက်လူဖြစ်လာတာမဟုတ်ပဲ
မိသားစုအတွက် တစ်ခြားသူတွေအတွက်
လူဖြစ်လာရတာလားလို့
ဒါပေမဲ့ ကျွန်တော်အခုပြန်ကြည့်နေရတဲ့သူတွေကလဲ
ကျွန်တော့အပေါ်ကောင်းခဲ့ကြတာပါပဲလေ
အမေရှိရင် ကျွန်တော်လုပ်နေတာတွေနဲ့ပတ်သက်ပြီး
သာဓုခေါ်နေမှာပါ
ကျွန်တော်ကိုယ်ပိုင်ဘ၀တစ်ခုမထူထောင်ခင်မှာ
အိမ်မှာရှိတဲ့သူတွေရဲ့ဘ၀အဆင်ပြေအောင်
ကျွန်တော်အစွမ်းရှိသလောက်ကြိုးစားပေးပြီးမှ
ကျွန်တော့အတွက် ကျွန်တော့ချစ်သူ အမေ့ချွေးမလေးအတွက်
ဘ၀တစ်ခုကို တည်ထောင်သွားမှာပါ အမေရယ်

အမေ့ကို အရမ်းသတိရတယ်ဗျာ

ထက်သူရ