ထက်သူရ ခရီးသွားနေသည်

ဒီ 2010 ကတော့ ကျွန်တော့အတွက် ခရီးသွားနှစ်ဖြစ်မယ်ထင်တယ်ဗျ။
နှစ်စထဲကသွားလိုက်ရတဲ့ခရီး
အရင်က တစ်လမှ နှစ်ခါလောက်သွားရတာ
ဒီနှစ်ထဲမှာ တစ်ပါတ် နှစ်ခါလောက်သွားနေရတာ
မြန်မာနိုင်ငံလဲ နေရာစုံတော့မယ်။

ပထမဦးဆုံးသွားရတာက နေပြည်တော်ပေါ့လေ
နှစ်လအတွင်း ငါးခေါက်လောက်ရောက်တယ်။
အလုပ်နဲ့ဆိုတော့လဲ ဘယ်မှသိပ်မရောက်ဖြစ်ဘူးဗျ။
ရွှေတိဂုံဘုရား ပုံစံတူ ဥပ္ပါတသန္တိ ဘုရားတော့ရောက်ဖြစ်ပါတယ်။
ဘုရားဆိုပေမဲ့ ပုထိုး လို့ပြောရင်ပိုမှန်မယ်ထင်တယ်.
အတွင်းမှာ လှိုဏ်ဂူပါတာကိုး

နောက်တစ်နေရာကတော့
မန္တလေး ၃ခေါက်လောက်ရောက်တယ်။
မန်းလေး မှာတော့ မဟာမြတ်မုနိဘုရား
နန်းတွင်းနဲ့ မန်းလေးတောင်ပေါ်ရောက်ဖြစ်တယ်ဗျ။

နောက် မန်းလေးကမှ စစ်ကိုင်းတိုင်း မြို့တော် မုံရွာကိုသွားဖြစ်တယ်။
နေ့ဝက်ပဲရောက်တော့ ဘယ်မှမရောက်ဖြစ်လိုက်ဘူး။

ပြီးတော့ရန်ကုန်ပြန်လာတယ်ဗျာ

နောက်နှစ်ရက်လောက်နေတော့
ဧရာဝတီတိုင်း ပုသိမ်မြို့ကိုသွားဖြစ်တယ်။

နောက်သုံးရက်လောက်ကြာတော့ နေပြည်တော်တက်
အဲ့ဒီကမှ တောင်ကြီးတက်တယ်ဗျာ။
တောင်ကြီးအတက်လမ်းက ပြေတော့ပြေတယ်။
ဒါပေမဲ့ ဆိုးလိုက်တဲ့လမ်းဗျာ။
နေ့လည် 11 နာရီလောက်က နေပြည်တော်ကထွက်လာတာ။
ညဘက် 10 နာရီခွဲလောက်မှ တောင်ကြီးရောက်တယ်။
လမ်းကလဲ ဖုန်တွေချည်းပဲ။
ညမှောင်လာတော့ ကားမီးထိုးတာ အရှေ့လမ်းမမြင်ရပဲ
ဖုန်တွေပဲမြင်ရလို့ ကားမီးပိတ်ပြီး မောင်းရတယ်။
အဲ့သလိုကောင်းတာ လမ်းက။
တောင်ကြီးမှာ သုံးရက်လောက်ကြာတယ်။

တောင်ကြီးအပြန်မှာတွေ့ခဲ့တဲ့ပွဲပါ ကထိန်လှည့်သလိုပဲဗျ။
ထူးခြားတာက အကုန်လုံးတူညီဝတ်စုံနဲ့ ရိုးရာအ၀တ်အစားတွေပဲဝတ်ထားကြတာ။
ကောင်းမွန်တဲ့ ဓလေ့လေးပေါ့လေ။

အဲ တောင်ကြီးမှာ ဒုတိယရက်ရောက်တော့
အလုပ်သိပ်မရှိတာနဲ့ အင်းလေးသွားဖြစ်တယ်ဗျ။
ရွှေညောင်နဲ့ ညောင်ရွှေကြားမှာ မြေပြန့်မှာ သွားနေရသလိုပဲ
ငါးမွေးတဲ့ကန်တွေလဲရှိတယ်
ငါးမွေးတဲ့ကန်တွေအပေါ်မှာ ငါးကင်ဆိုင်လေးတွေမှ တန်းစီနေတာပဲ။
လတ်လတ်ဆတ်ဆတ် ရတယ်ပေါ့လေ
စိတ်ကူးလေးတွေ ကောင်းသားပဲဗျ။

ဒါကတော့ အင်းလေး ဖောင်တော်ဦးဘုရားပွဲကျရင် ညောင်ရွှေမှာကိန်းဝပ်တဲ့ စံကျောင်းတော်ပါ။

တောင်ကြီးက ကိစ္စလေးတွေပြီးတော့
နေပြည်တော်ပြန် အဲ့ကနေမှ
တောင်ညို-တောင်တွင်းလမ်းအတိုင်း မကွေးကိုသွားဖြစ်တယ်။

လမ်းကတော့ သိပ်မဆိုးလှပါဘူး
ဒါပေမဲ့ ရိုးမထဲဖြတ်ဖောက်ထားတာဆိုတော့
လမ်းတစ်ခုလုံးမှာ ကိုယ့်ကားတစ်စီးထဲရှိသလားမှတ်ရတယ်။
ဒမြသာထွက်တိုက်လို့ကတော့ အခုလိုစာတောင်ရေးနိုင်တော့မှာမဟုတ်ဘူး။

မကွေးက အလုပ်ပြီးတော့မှ ရန်ကုန်-ပြည်-မန်းလေး ကားလမ်းအတိုင်းပြန်ခဲ့ပါတယ်။
လမ်းမှာတော့ ပြည်ကိုဝင်တယ်ပေါ့လေ။

နှစ်လအတွင်းမှာ မြန်မာနိုင်ငံက တိုင်းမြို့တော်တွေ အကုန်နီးပါးလောက် ရောက်ဖြစ်ခဲ့ပါတယ်
တနင်္သာရီတိုင်းပဲမရောက်ဖြစ်တာ။

သင်္ကြန်နားနီးလို့ ခရီးထွက်တာ နားထားပါတယ်
သင်္ကြန်ပြီးရင်တော့ ရှမ်းမြောက် မူဆယ် ဘက်တက်ပြီး
ကြယ်ခေါင် ရွှေလီ ကူမင်း အထိသွားဖို့ အစီအစဉ်ရှိပါတယ်ခင်ဗျာ။

ပြန်လာရင် ထပ်ရေးပါဦးမယ်။

ဓါတ်ပုံတွေ ထပ်တင်ဖို့ရှိပါသေးတယ်။
ကွန်နက်ရှင်မကောင်းသေးလို့ပါ။
အခုတော့ဒီလောက်ပါပဲ

ကျေးဇူးတင်ပါတယ်။

ထက်သူရ