ကျောင်းဆိုတဲ့အထဲမှာ ငယ်ငယ်ကတက်ခဲ့တဲ့ကျောင်းတွေကတော့
သိပ်များများရေးစရာမရှိဘူးဗျ
ဘာလို့လဲဆိုတော့ အလကားနေ ဆော့နေတာနဲ့
စာကြည့်နေတာပဲရှိတာကိုး
ကျောင်းအကြောင်းရေးမယ်စဉ်းစားတော့
အထက်တန်းပြီး ကောလိပ်တက်တဲ့အကြောင်း
ကောလိပ်ကသူငယ်ချင်းတွေအကြောင်းရေးဖို့ စဉ်းစားမိတယ်
ကောလိပ်ဆိုတာကလဲ ဂျစ်ပစီ တေလေဂျပိုး စန်တာ လို့ ခေါ်ကြတဲ့
ဂျီတီစီ (GTC) ပါ
တက်ရတာကတော့ ရန်ကုန်မြို့နဲ့သိပ်မဝေးလှတဲ့
မှော်ဘီအလွန်လေးတင်ပါ
သိပ်မရှိပါဘူး ၃၃ မိုင်နဲ့ ၇ ဖာလုံ ထဲရှိတာပါ
မှော်ဘီမှာဆိုရင် နာမည်ရှိတဲ့ မှော်ဘီ အထက (၁) ရှိပါတယ်
ကျွန်တော်တို့ကျောင်းက ထ ၁ ထက်သာတယ်ဗျ
စုတ်တဲ့နေရာမှာ ဟီးဟီး
ဒီလိုပဲလေ လက်သမားကောင်း အိမ်ကောင်းမနေဘူး ဆိုသလိုပေါ့
ကျောင်းကသာမကောင်းတာဗျ
ကျောင်းက ဆရာတွေ ဆရာမတွေကတော့ တယ်ကောင်းတာ
တကယ်ပါ ဆရာ ဆရာမတွေ တကယ်စာသင်ကြပါတယ်
သူတို့ ကောင်းကောင်းသင်ပေးလို့
ကျွန်တော်တို့တွေ ကျူရှင်မလိုပဲ အောင်လာကြတာပါ
တကယ့်ကိုကျေးဇူးတင်ထိုက်သူတွေပါ။
သူတို့ကတော့သေချာသင်ပေးလိုက်တယ်
ကျွန်တော်တို့ကအသုံးမကျလေတော့
စာမေးပွဲအောင်ရုံလောက်ပဲ ကြိုးစားခဲ့မိတယ်လေ
ဒီတော့ကာ အခုတော့ ကျောင်းစာတွေ
ကျောင်းပြန်ကုန်တာပေါ့လေ
ဒီလိုနဲ့ ဂျီတီစီတက်ရင်း ခင်ခဲ့ကြတဲ့သူငယ်ချင်းတွေအများကြီးပေါ့လေ
တော်တော်လေးခင်တာကတော့
ကျွန်တော်တို့ ယောင်္ကျားလေးချည်းပဲ ၁၀ ယောက်ရှိတယ်
တစ်ယောက်တမျိုးစီ အလွဲအချော် လေးတွေနဲ့ဆိုတော့
အူကြောင်ကြောင်အဖွဲ့လေးဖြစ်နေတာပေါ့လေ
အကြီးဆုံးတစ်ယောက် နာမည်က ကိုမျိုး
အသက်ကြီးသလောက် အပေါဆုံးလို့လဲပြောလို့ရတယ်
အမှန်က ရိုးလွန်းတာ
သူများအပေါ်ကူညီချင်စိတ်အရမ်းများတယ်
ဒါပေမဲ့ လုပ်လိုက်ရင်အမြဲတမ်းနီးပါး တလွဲ
တစ်ခါက ကျွန်တော်တို့အပြင်သွားကြရင်း
သူနဲ့ နောက်နှစ်ယောက်ကို ဒန်ပေါက်ဝယ်ခိုင်းလိုက်တယ်
အားလုံးစားဖို့ ကျွန်တော်တို့က ကားဂိတ်မှာစောင့်နေတယ်
ခဏနေတော့
သူနဲ့လိုက်သွားတဲ့နှစ်ကောင် ခွက်ထိုးခွက်လန်ရယ်ပြီးပြန်လာတယ်
သူကတော့ အနောက်ကနေ မျက်နှာကြီးကိုရဲလို့
ဘာများဖြစ်တာလဲ ဆိုပြီးမေးကြည့်တော့
ကားစောင့်နေတုန်း ရေအိုးစင်မှာ ရေ၀င်သောက်တယ်တဲ့
ဟိုနှစ်ကောင်သောက်ပြီးသူသောက်နေတုန်း
ကားလာတော့ပြေးတက်ကြတာ
သူက လက်ထဲမှာရေခွက်တစ်ဖက် ရေခွက်တင်တဲ့ ပန်းကန်တစ်ဖက်နဲ့
ခေါင်းမှာလဲ ရေအိုးအဖုံးကဆောင်းထားသေးတယ်
ကားပေါ်ရောက်လို့ စပယ်ရာပြောမှ သတိထားမိလို့
အောက်ဆင်းပြီးပြန်ထားရတယ်တဲ့
ကားတစ်စီးလုံး အပြင် ကားဂိတ်ကလူတွေပါ
ဝိုင်းဟားလိုက်ကြတော့ ဒီကောင်တော်တော်ရှက်သွားတယ်
နောက်မှထပ်ရေးမယ်ဗျာ
ထက်သူရ
No comments:
Post a Comment